Əbülfət Mədətoğlu : - Alqışsız...
Qəflətən bir udum su -
kəsdi nəfəs yolunu...
Ölüm səhnəsidi bu -
O, oynayır rolunu -
Alqışsız...
Tamaşa bir pərdəli...
Mövzu isə intihar...
Baş qəhrəman bir dəli -
coşar, özün unudar -
Alqışsız...
Həsrətin dırnaqları
qartal caynağından sərt...
Çək köhnə qarmaqları -
Ürəyi bir yolluq çərt -
Alqışsız!..
Əlində quru ləçək
Yaşı on il əvvəl on!..
Səhnəyə atdın əlcək -
Pərdə enir...bu da SON!..
Alqışlar...