Daha darıxmıram ki,əlimin yaddaşından

Nə də üşümürəm heç ürəyimin qışından

Daha pəncərəmizdən ürək rəsmin silirəm

Sənli xatirələri atmaq üçün başımdan

Nə bir çiçək ləçəyin yoluram sənə görə

Saçımı qaraltmışam saldığın dənə görə

Dağlara üz tutmuram sinəmdə var da dağım

Söz dağımda gəzirəm dümana çənə görə

Silmişəm əllərimlə bircə -bircə rəsmini

Parçalayıb atmışam qəlbimdəki tilsimi

O qədər sığınmışam çəkdiyim ağrılara

Indi məndən utanır qəlbimdəki eşq simi.

Kipriyimdə yaşımdan həsrətini asmışam

Öz içimdə büdrəyib öz içimə aşmışam

Yemişəm pişik kimi xəyal adlı balamı

Ovcumdan son ümidi gözlərimə basmışam