Əbülfət Mədətoğlu - Baxsın
22:18 / 01.12.2025
Baxış sayı: 1128
Sönüb yenə otağımın işığı
Pəncərəm də açılmır ki, Ay baxsın...
Qatı duman elə girib araya -
Qoymur barı ulduz boyda tay baxsın!
Üzü dönüb elə bil ki, gecənin
Azalıbdı izi yoldan keçənin!
Mən dayanıb gözlədiyim küçənin -
Gəl yanmayan lampaların say, baxsın...
Mən sevgimdə mələk bildim vəklimi.....
Adım onun ürəyində əklimi?!
Qaranlıqda çəkdirdiyim şəklimi -
Təqdimatsız , qapı-qapı yay, baxsın!
