Sənə səndən danışdım...

Gözünün güzgüsündə,

daranırdım bu gecə.

Üzümə kirşanımı

dodağının fırçası,

çəkirdi bax beləcə.

Karlaşmışdı qulağım,

eşitdiyim səslərə.

Nəfəsin danışırdı

acıq verirdi bütün

"əbəs"lərə, "bəs"lərə.

İlk dəfə idi bu gün,

sənə səndən danışdım.

Acığına gəlməsin

sənə demişdim axı,

sevgilimlə tanışdın.

Şəlləmişdi saçımı,

kürəyimə əllərin.

Danışdıqca dilindən

sürüşüb ürəyimə

düşürdü ümidlərim.

Yol eyni, mənzil ayrı

Qapının astanası,

utandı ayağımdan.

Gözümdə səni görüb

sevindi intəhası...