Bu gecə bir şimşək şəklimi çəkdi,

Yardım bu gecəni, yardım " yar" deyə.

Bu gecə doyunca sevinəcəkdim-

O qızın pərdəsi açılar deyə...

Çayın dodağından bir nəğmə axdı,

Çaylar bu dünyanın köhnə valıdı.

Yarpaqlar üşüyür bu gecə vaxtı-

Elə bil ağaclar qızdırmalıdı.

Qatı bir qaranlıq tutub hər yanı,

Saatın əqrəbi dördə düşəcək.

Bu gecə alışır bir qız eyvanı

Bu gecə bir oğlan dərdə düşəcək.

Gecədi, bir mənəm- kim var arada-

Yuxusuz gecəmi kim yozacaqmış?

İlham verilibmiş buludlara da-

Yağış misra- misra yazılacaqmış...

...Köhnə qiyafədə təzə gələcək,

Yer- göy tutmayacaq yaraşığını.

İlahi, bu gecə gözə gələcək-

Başına duz çevir ay işığının...