BALIQÇI VƏ QIZIL BALIQ - Ələddin Əzimli

Ədəbiyyat 17:32 / 21.04.2026 Baxış sayı: 593

 

" Sözlərdəki sən "dən

 

Durduğu yerdə

ləngər vurur dayanmadan

bu taxta qayıq.

Sən bir buna bax,

deyəsən,

işləri tərs gətirib -

sübhün gözəl çağında,

ovun gələn vaxtında,

mürgüləyib balıqçı.

Xəbəri yox,

yosunların içində

ipək toru axtarır,

bir qızıl balıq.

Onu

özü göndərib xalıq.

Aç gözünü, balıqçı,

tərpərt toru, balıqçı,

qaça bilər bu balıq.

Bir toxunuş, titrəyiş

arzuları çin edər.

...Sonra demə, balıqçı,

qismətimdə

qızıl balıq yox imiş.