Əlizadə Nuri : - Fırlanır
![](/uploads/img/posts/2024/06/24/ƏLİZADƏjpg-1719208545.jpg)
Dostum Ələddin Məcidova
Neçə acın yuxusunda,
Dəyirman daşı fırlanır.
Bəlkə elə şərab içib-
Dünyanın başı fırlanır?!
Azdım bir quşun səsində...
Sirr var şamın şöləsində.
Dərdimin yan- yörəsində
Gözümün yaşı fırlanır.
Bu yarpaq da bir çiçəkdi,
Qoxusunu yellər çəkdi...
...Bu dünya bir yelləncəkdi-
Nə qədər naşı fırlanır...