Ehtiram Ilham : - Yamanlıq etməyə nə var ki...

Gündəm 18:45 / 15.11.2024 Baxış sayı: 354

 

Yamanlıq etməyə nə var ki, Yahu!

Bir az yaxşı olun, əziz adamlar.

Dünya dağılmayıb sizlərə görə

Ay dürüst adamlar, təmiz adamlar.

 

Kimlər kim boydadı, kim olacaqdı,

Kimin yolu harda qırılacaqdı?

Kim yolun düzündə tək qalacaqdı -

Düzdə yesir olar o düz adamlar.

 

Baş alıb, hayana nə qaçırsınız?

Dəryalar adlayıb, dağ aşırsınız.

Ehtiram İlhamın baş tacısınız,

Ay ozan adamlar, ay söz adamlar.

14.11.24.