Başqadı pəncərəmdə

Hər gün payızın rəsmi.

Bir kimsə duya bilməz

Payızı mənim kimi.

Güzgülənir hər səhər

Pəncərəmdə gilənar.

Saçlarını dağıdıb

Ağlayır boz buludlar.

Üşüyür çılpaq göyəm

Söykənib ağ hasara.

Şah tut əlvida deyir

Saralan yarpaqlara.

Ağaclar bəzənibdi

Bir-birinin bəhsinə.

Günəş də qonaq gəlib

Rənglərin sərgisinə.

Qonub qoz ağacına

Gileylənir dolaşa.

Qovaqlar yarpaq-yarpaq

Məktub göndərir qışa.

Oynayır boz sərçələr

Qurumuş budaq üstə.

Tanrı nə gözəl çəkir

Rəsmini torpaq üstə.

Oxumur,qumruların

Daha yoxdu həvəsi.

Gecənin sükutunu

Pozur yağışın səsi.

43Şakir Xanhüseyn və başqa 42 nəfər