SÜLEYMAN ABDULLA- OLAR-OLMAZIN ŞEİRİ

Ədəbiyyat 10:50 / 05.01.2026 Baxış sayı: 767

 

Haqqın yolçusuna nə gündüz-gecə,

Gözündə nə qorxu, nə hədə olur.

Çəkir imtahana yol kimi, necə,

Baxır harda olmur Haqq, nədə olur.

 

İçdikcə dərd-qəmi ayılır adam,

Həsrətdən az qala bayılır adam.

Elə gün gəlir ki, sayılır adam,

Elə zaman gəlir vaxt-vədə olur.

 

Ən qatı vaxtına düşdük dumanın,

Əlləri üzülür göydən umanın,

Məqamı, məkanı varmı gümanın,-

Bəlkə yeri deyil, bəlkə də olur.