Arzu Hüseyn - Duayam, mən daha qarğış deyiləm,

Ədəbiyyat 20:25 / 06.01.2026 Baxış sayı: 926

 

 

Kimsə dərk eləməz içimdəkini,

Qapalı qutuyam, qaranlıq quyu.

Mən sülhə dəyişdim içimdə kini,

Zamanla duruldu bulanıq suyum.

 

Zamanla kiridi fırtınalarım,

Sussdum səhra kimi, sussdum çöl kimi.

Kiçildim, bir üzü torpağa sarı,

Uzandım göylərə sarı-əl kimi.

 

Duayam, mən daha qarğış deyiləm,

Yox, yağış deyiləm, yağış deyiləm…