Ağaevli Əli Hacı : - Yuvan varsa,nə gözəl

Ədəbiyyat 22:31 / 04.11.2024 Baxış sayı: 169

Dostum,Professor İslam Qəribliyə gecənin bağrımı yardığı vaxtı !

Yuvan varsa,nə gözəl

Demək,uçmağa qanadın var !

Yaran varsa,olur da…

Demək,yanmağa öz odun var !

 

Sırada durmağın gözləntidir,

Səbrinsə məqamın-gizləntisi !

Boy atmağın güc əlaməti deyil,

Əsas,ağıldan gələn gücün gözləntisi !

 

Gözün ilə yeridiyin,

Sözün ilə getdiyin yol !

Özünü aparmadığın-

Özünü itirdiyin yol !

 

Başın üstündədirsə,

Demək,getdiyin yerin var !

Daşın üstündəsə,

Demək,öldüyün yerin var !