Bu gün - 1 noyabr 2024- cü il tarixdə Lənkəran rayonu,Hirkan qəsəbə tam orta məktəbində Zəfər günü,"Yaşıl dünya naminə" həmrəylik ili və məktəbin yaranmasının 70 illiyi münasibəti ilə geniş tədbir keçirildi.

Məktəbin direktoru, tanınmış şair,AYB üzvü Bəxtiyar İbayevin ( Bəxtiyar Əliyar ) moderatorluğu ilə keçən tədbirdə məktəbin pedaqoji və şagird kollektivi, rayon təhsil sektorunun nümayəndələri,rayon ziyalıları, yazıçı və şairlər iştirak etdi.

AYB Lənkəran Bölməsi olaraq tədbirdə çıxış edib yazarlar adından məktəb kollektivini təbrik etdim.

Möhtəşəm kompozisiya əsasında hazırlanan və məktəbin yaradıcı şagirdləri tərəfindən təqdim olunan əl işləri,rəqslər,ifalar tədbir iştirakçıları tərəfindən maraqla qarşılandı.