Yol getdikcə ağır gəlib,

Qəm çəkdikcə ağıl gəlib.

Oxşamağa axır gəlib,

Söz götürüb yoldan məni !

Şər doğulub axşam-axşam,

Ocağımda qovrulmuşam.

Düzümdə azıb qalmışam,

Dağ gətirib yoldan məni !

Cığırı da yol bilmişəm,

Boyuna sevgi vermişəm.

Vaxtı günçün öldürmüşəm,

Gün ötürüb yolda məni !

Çəkərəm yolun ağrısın,

Solumnan sağın ağrısın.

Sən də sev,sinən ağarsın

Eşq bitirib yolda məni !

Gecəmizdən ta sabaha,

Yolu ölçmüşəm Allaha !

Ömür biçmişəm Allaha,

Haqq itirib yolda məni !