Ağaevli Əli Hacı -  Bu qədər “ BAHA “ olmağımıza !

Ədəbiyyat 13:47 / 04.01.2026 Baxış sayı: 991

 

Havam bu gün yağışlıdı,

İstilərim öz işində !

Tutub vaxtımın əlindən

yol gedirəm keçmişimdən !

 

Sual,nida yanaşıdı

ayrı-ayrı ölçülərdə !

Günümə vergül kimiyəm,

bu nəfəssiz küçələrdə !

 

Göy üzüdə-havam kimi,

qış payızın payın yeyir!

Pəncərəmi yağan yağış,

qapımısa külək döyür !

 

Çoxu kimi qanım qara,

yoxum kimi olmayaydım !

Bu çörəksiz gələcəyə

ümüdümü yuxa yaydım !

 

Havam-yağış içindədi,

İslanarsan,evə yığış !

Çöllərində itir məni,

öz içində nağıl danış !