ÜZÜ DÖNMƏZ - yazdı  SÜLEYMAN ABDULLA.

Ədəbiyyat 09:56 / 28.01.2026 Baxış sayı: 799

 

Dönər zamanın çarxı,

Hər kəs özünə dönməz.

Tanrıyacan çatsa da

Nəfəs özünə dönməz.

 

Nə qaldı yadındakı,

Nə vardı adındakı.

Bir quş qanadındakı,

Qəfəs özünə dönməz.

 

Baxma yara-yarağa,

Güllə gəlməz darağa.

Çevrilər son marağa,

Həvəs özünə dönməz.

 

Gediş var bağır dələn,

Gəliş var ağır bələn...

Nə gedəndi o gələn

Nə səs özünə dönməz.

 

Xeyir nədir, nə, Şər nə

Təzə nədir, nə, tər nə...

Dönməz özünə hər nə,

Hər kəs özünə dönməz.