1.

BİR OVUC OD

yaxşı bir işlə, salamla

əlini doyur,

dilini doyur gözəl sözlərlə, hə...

düz, doğru yolda isən

ayaqların tox, demək...

sevərək, hiss edərək baxmaqla

gözlərini doyur...

eşitməlini eşitməklə,

yalana tutmaqla qulağını doyur...

üzünü doyur bir gülüş, təbəssümlə,

şirin him-cimlə,

bir həya qızartısıyla...

gün günü,

saat saatı qovur,

ömrünü doyur

lap ac qalmaqla, bax a,

təmiz su əvəzi and iç,

götür ocağından

bir ovuc od at ağzına!

2.

İP ÜSTÜNDƏ

ip üstündə yeriyirəm, ip üstündə,

yüyürürəm top üstündə...

bir düz, geniş yolda bəzən,

daş yolda bəzən

hiss edirəm ip üstündəyəm...

fikirdən bir ip çəkilsə,

özümü görürəm, hop, üstündə...

top üstündə yeriyirəm, top üstündə,

top yuvarlanır,

indi gəl nəsə yoğur, yap üstündə...

ip üstündə evə gəlir,

evdən çıxıram ip üstündə...

biri yeriyir buz üstündə,

hə, biri od,

digəri oturub tikan üstündə...

ip çəkilib ip üstündə,

onun da üstündə bir ip;

mənəm yeriyən, yürüyən

ip üstdəki top üstündə...