Faiq Balabəyli : - Məni
![](/uploads/img/posts/2024/06/27/449162670_7243464259093240_5521545299771600594_njpg-1719461562.jpg)
O qədər arxadan badalaq verib
o qədər çətinə salıblar məni.
Heç zaman büdrəyib yıxılmamışam
çirkin oyunlara atıblar məni.
Dəryalar keçmişəm, dağlar aşmışam
görüblər qayayam, görüblər daşam.
Yad adam, mən sənçün, deyib, qardaşam
doğmalar bir ucdan satıblar məni.
Bu da bir ömürdü, taledi, baxtdı
doğrudu, yalandı, haxdı, nahaxdı
“Şeş-beş” oynayıram, görün nə vaxtdı
zər tutub, "sə-bir"lə tutublar məni.
Məndən uzaq durun min yol, min ağac
quruyub olarsız önümdə qaxac.
Qazan xan balası Buğacdım, Buğac
Aruzun dəstinə qatıblar məni.