Allah, bu nə oynamaqdı?

Aşığa bax, gözü göynən

Barmağı saznan oynayır.

Üstünü çırpan bir uşaq

Oturub toznan oynayır...

Bu şərabdı, ya eşq camı?

Çıx qarşıla bu edamı...

Boğulmaqdan qorxur hamı-

Hamı dayaznan oynayır.

Bu ömürdü, ya səfərdi?

Darıxıram, çağır dərdi.

O nəğmə nə bəxtəvərdi-

Bir gözəl qıznan oynayır...

Yol dayandı... dayan, adam,

Sənin deyil o yan, adam.

Bəxtiylə oynayan adam

Elə bil köznən oynayır.

Hara gedim, hara haqdı?

Mən axsağam, yol ağsaqdı?

Allah, bu nə oynamaqdı-

Göz yaşı göznən oyn

Səhra kimi yaşadım...

Gətirdiyin havadan,

Son dəfə udum, ölüm.

Sən baxınca ölmərəm-

Gözlərini yum, ölüm.

O nəğməni oxuma-

Qar yağacaq yuxuma...

Mən boyda bir toxuma

Olarsanmı şum, ölüm?

Sinəm tutmur ahları,

Çağır o sabahları.

Soyundum günahları-

Özümü yudum... ölüm.

Uçmağa bir qanad qoy,

Mənə güc qoy, inad qoy.

Bu dərdimə bir ad qoy-

Ölüm, Qorqudum, ölüm..

.

Qoy, özümə daş atım,

Qurumaz bu yaş adım.

...Səhra ömrü yaşadım-

İndi də qum-qum ölüm...