Çıxdım dünyanın üzünə,

Azım oldu,əlin tutdum !

Ömrü yola vermək üçün,

Bu,dünyanın dilin tutdum !

Sevdim canımın dirəyin,

Verdim günə nəm kürəyi.

Sovurdum bəxtin çürüyün,

Ocağımın külün tutdum !

Yol getməyin öz dili var,

Yol getməyin göz dili var.

Yol bilməyin söz dili var,

Dilin yolda gülün tutdum !

Yazdım,önə ad apardım,

Hara getdim,yurd apardım !

Qazancımı yad apardı,

Tək-tük qalan kalın tutdum !

Hər gün tanıdım özümü,

Özümə tanıtdım özümü !

Ölüb tanıyırdım özümü,

Olmağımın halın tutdum !