Xanım İsmayılqızı- Sakitcə yağış yağır...

Ədəbiyyat 15:03 / 14.09.2025 Baxış sayı: 2241

Sakitcə yağış yağır, səsi içinə vurub,

Yollar dinməz-söyləməz yağış altında durub.

 

Görünür ki, bu yağış üzünü yuyub gəlib,

Bütün yuxularını göylərdə qoyub gəlib.

 

Narın-narın süzülür gözümə pıçıltıyla,

Üst qatını gizlədib, səpilir alt qatıyla.

 

Sükütü eşidirsən? Nəfəs yox səssizlikdə,

Günəş o yanda batır... Mən isə sənsizlikdə.

2016.