Gərəksiz yerlərə xərcləyəndə,

Vaxtın intiqamı ağır olurmuş;

Arzusu, istəyi daşa dəyəndə,

Qəlbi qırılanlar fağır olurmuş;

Sevgidən nifrətə cəmi bir addım

Məsafə var imiş, anlamamışam;

Özümü ilğımlar qoynuna atdım,

Heyif, sevənimdən uzaq olmuşam;

A, nazlı ceyranım!

A, dəcəl quzum!

Demirəm bağışla soyuqluğumu;

Sənə borcluyam yenə də düzü,

Şirin xatirəmi, kövrək duyğumu;

... Hərdən boşa verdim, hərdən dinlədim,

Ürəyin səsini, nəbzin ritmini.

Görünür vaxtında qura bilmədim,

Qəlbinə girməyin alqoritmini.

24.05.2025