(Bütün şairlərə xitabən)

Qələmin süngüdür, təbinsə rəvan,

Şair, namərdlərə sən vermə aman.

Hər sözün min xəstə ürəyə dərman,

Doldur misralara doyunca içək,

Sənin qiymətini zaman verəcək.

...

Qumlu səhralarda bitən çinarsan,

Məşəlsən, zülmətdə daim yanarsan,

Bütün fəsillərdə bağlarda barsan.

Çiçəksən, ətrini qanan dərəcək,

Sənin qiymətini zaman verəcək.

...

Sözdür silahının müqəddəs adı,

Bəzən baldan şirin ləzzəti, dadı,

Bəzən zəhəriylə öldürər yadı,

Unutma, ay İdris, imam gələcək,

Sənin qiymətini zaman verəcək.

...21.01.21...