Ehtiram İlham : -  Olun

Ədəbiyyat 13:40 / 21.01.2025 Baxış sayı: 250

*****

Gözəl millət, gözəl Vətən, gözəl xalq,

Millət olun, Vətən olun, xalq olun.

Qara-qara qaramatın içində

Bəyaz olun, işıq olun, ağ olun.

 

Nə binələr binə qurdu binəyə,

Günahlardan necə ötdün, bə niyə?

Dağlar elə çəkilibdi sinəyə -

Dağ üstündən çəkiləsi dağ olun.

 

Ehtiramdı göyüm-göyüm göynəyən,

Öz dərdini canı kimi çeynəyən.

... Bu sağların arasında ölüykən

Bu boydana ölü içrə sağ olun.

18.01.25.