Cavid Musa : - Tək başına...
Tək başına yenə səssiz gecələr
Oturmuşam bax ruhunla üzbəüz.
Gözlərimin önündən keçir nələr
Yalan dediklərim də çıxıbdır düz.
Danışıram öz - özümə səninlə
Xəyallarla dolub mənim otağım.
Durub gələ bilməyirəm səninlə
Fikirlərlə zəncirlənib ayağım.
Əllərin yapışır mənim yaxamdan
Dartışdırır nə soruşur bilmirəm.
Sənə qovuşduğum günü öləcəm
Yoxluğunla yaşayıram ölmürəm.