Ağaevli Əli Hacı : - Gördüm
Çıxdım dünyanın üzünə,
Göy altında bazar gördüm !
Nəyinsə,kiminsə gözünə
Doğulmağı azar gördüm !
Tanıyan yox,məni sən tək
Sağlığıma göz yaşı tök !
Dur,şəklini sinəmə çək,
Qəmə ögey güzar gördüm !
Qırdım günümün budağın.
Səbəbi,quru olmağı !
Yetər haqq üçün yanmağım,
Həqiqəti məzar gördüm !
Mənim daşım çox ağırdı,
Çox bilməyim baş ağrıtdı !,
Yoxuşa yolu ağartdım,
Yol yoldaşı az ər gördüm !
Al qələmi,yaz kağıza
Söz,yük olmasın ağıza !
Biz kimik ki,alnımıza
Bəxt yazanı yazar gördüm !