Ayaz Arabaçı : - Əvvəlcə nur çilədin,
Əvvəlcə nur çilədin,
içimdəki zülmətə.
Sonra
zülmət yaratdın ondan min qat da
qatı..
Nə ittiham etməyə gəlmədi
üzüm nə də,
Susdum deyə bilmədim,
burax bu zarafatı..
Görüşdük uzun-uzun-
Cəmi beş-on dəqiqə..
Mən
qanayan ürəklə,sən deşilmiş yarayla.
Ağır olsa da
budu,neyləməli həqiqət,
Zəfər əldə olunmur
sevgidə hay-harayla..
Durdu bir vida kimi qarşıda
yol ayrıcı
Ən gözəl arzulara
ürəyimin səsiydin.
Əsib keçdi içimdən bir külək acı-acı,
Bəlkə də
sən sonuncu cazibə qüvvəsiydin.
Mənim köksümün altda ürək vardı
axı bəs..
Nə isə..salam olsun
bütün qızıl eşqlərə..
Mən daha inanmıram bir də sənintək heç kəs,
Alıb
qaytara bilməz
yaşımı "onbeşlərə"