Arzu HÜSYEN.”Daha bitdi, gözün aydın”

Ədəbiyyat 11:00 / 27.02.2026 Baxış sayı: 425

Daha bitdi, gözün aydın.
Sevindinmi, şad oldunmu?
Mən hələ bir viranəyəm,
Sən özün abad oldunmu?

Yollarımdan gözünü çək,
Son çırpınış nəyə gərək?
Ömrümüzün sonunadək —
Ölüyük, rahat oldunmu?

Sən məndə bir dərin quyu,
Lildir, bulanıqdır suyun.
Mən qurbanlıq qara qoyun,
Ye, ağzında dad oldummu?

Tanrı, mən gerçəkmişəmmi?
De, cəzamı çəkmişəmmi?
Yetəridək çökmüşəmmi?
Bəxtimdən azad oldummu?…