Məni atıb getdiyin, elə həmin yerdəyəm,

Sən gedəndə 40 günlük, indi 45 yaşında.

Nalə çəkən ağlayan, şivən salan, hönkürən,

Onda beşik içində, indi məzar başında.

Mən atıb, getdiyin elə həmin yerdəyəm,

Hər axşam yol gözləyən, sənsizliyə bürünən

O qadın var yanımda, artıq bir az qocalmış

Qara saçın ağ görən, dərd içində sürünən.

Yaş üstünə yaş gəldi, dərdim qəmim çoxaldı,

Fəsillərdə dəyişdi, təbiətin rəngləri

Elə həmin o yerdə böyüdüm başa çatdım

Yaddaşım sənlə birgə, gəzdi əngillikləri.

Məhəbbətin carçısı,ilk həsrəti tanıdan.

Ey həyat muəllimim

Həsrətim, ünyetməzim

Qovuşmadığım sevgim, görməmmədiyim qayğım

Xəyallarım, nəfəsim yaddaşımdan getməzim.

Mən atıb getdiyin, elə həmin yerdəyəm

Böyüdü arzularım, istəklərim xəyalım

Boy atdi ümidlərim, səadətim vüqarm.

Elə orda yarandı , cavabsız ,suallarım