Sevinc Qərib - Bu qərib axşamın səssizliyinə...

Ədəbiyyat 20:34 / 10.12.2025 Baxış sayı: 719

Bu qərib axşamın səssizliyinə,

hardansa gülüşün axdı,töküldü...

evim işıqlandı,

qaranlıqların beli büküldü,

könlümün qaş- qabağı açıldı,

ruhum qara paltarını soyundu.

Gülüşünün rəqsinə oynadı

dodaqlarım,

çöhrəmdə dövrə vurdu

bir topa təbəssüm...

Xəyalını çağırmamışdım,

eləcə seni düşünmüşdüm,

xatirələrə cıgır açmışdım,

axşamın səssizliyindən

üşənmişdim,

gülüşünü göndərdin...