Rafail Inceyurd Ismayilov  - Hansısa əvvələ yan alan sonam...

Ədəbiyyat 13:02 / 11.12.2025 Baxış sayı: 800

***

Hansısa əvvələ yan alan sonam,

Fələk fürsət verə qovam, qovlanam.

Gərək işıq gələn göyə boylanam

İşığı azalan gözün xətrinə.

 

Sağ ol, dərdlərimi sevib qucanım,

Sağ ol, yol göstərib, yollar açanım.

Bu qədər əyriyə yem olan canım

Dözə bir toxumluq düzün xətrinə.

 

Bu sənin ömründü, İncəyurd, sürdün,

Şairlər bəxtinə olunur sürgün.

Arabir xatalı çomağa sürtün

Əbədi qalacaq sözün xətrinə.

11.12.25