Əşrəf Veysəlli - DÜNYA GÖZƏLDİR

Ədəbiyyat 07:20 / 11.12.2025 Baxış sayı: 1005

 

Həlim dünya ,sərt dünya,

mələk dünya gözəldir.

Hər açılan səhəri

çiçək, dünya gözəldir.

 

Açıldıca solmayan,

bir kimsəyə qalmsyan,

bərabəri olmayan,

bu tək dünya gözəldir.

 

Ey könül, uşaq olma,-

dərdindən uzaq olma.

Üzünə çox ağ olma,

əl çək, dünya gözəldir.

 

Elə ki dan sökülər

üzündən nur tökülər…

Mən ağlaram,..

o gülər,

demək dünya gözəldir.