Hər gecə,gecəylə baş-başa məni,

Qoymasan bu gecə sıxılar axı .

Gecənin sakini olan ulduzlar ,

Mənsiz göy üzündə yıxılar axı.

Hər gecə gecənin qoynuna məni,

Fələyin bitməyən oynuna məni,

Həsrətin amansız boynuna məni,

Atmasan ,bu gecə sıxılar axı .

Hər gecə gecətək sükuta dalıb,

Səbri -qərarımı əlimdən alıb,

Könlümə bir dəli darıxmaq salıb ,

Susmasan ,gecələr sıxılar axı .

Hər gecə,könlündə qurduğum öydən ,

Könlümdə ucalan eşq adlı göydən ,

Qəfildən küsdürüb ,getdiyin yerdən ,

Atmasan, gecələr sıxılar axı .