Şakir Xanhüseyn : - SÜRÜNMƏK

Ədəbiyyat 17:13 / 17.02.2025 Baxış sayı: 908

 

...yəni kölgə var

dik-dik yeriməyinə baxma,

onunku sürünməkdi, ya;

addımlarını yeyin atır,

çatır mənzil başına

sürünə-sürünə amma...

bir saat dincəlmir,

ayaqlar döyənək, əllər qabar, çiyin yağır,

o, qarabağır;

oturdusu yox,

dayanıb-durdusu yox,

kənardan eşidərsən:

o ki yaşamır, sürünür...

fəqət, hələ

yerdə süründüyünü kimsə görməmiş

ömrü boyu sürünən bir kəsi,

nə qəribə iş...

...nəsə, ürəyə

xəncərtək saplanan bir sözdü sürünmək,

hə...