Şakir Xanhüseyn : - OLANLAR 

Ədəbiyyat 08:12 / 29.11.2024 Baxış sayı: 1179

 

Olanlar oldu ku,olmaz bilirdik,

bəyəm heç anladıq nə idi oldu...

Gözümüzü yumub açdıq ki, vay-vay,

sanasan İlahi “ol” dedi oldu...

 

Fikirdi götürən qoparağımı,

Nədir arzulanan, arzu olunan...

Kimsə arxasınca kölgəsini də

elə bil aparır hiylə-alınan...

 

Bu olandan ötüb keç o olana,

gör, necə arxadı yalan yalana...

Zaman boynumuza kəndir dolayar,

keçər həyatımız qeylü-qalınan...