Ələsgər ƏLİOĞLU - G O R A N B O Y L Ə T İ F Ə L Ə R İ
BİRCƏ SƏNDƏN RAZI QALDIM
Bisavad Teymurun oğlu əsgərlikdən qayıdıbmış. Qohum-qonşu yığışıb gözaydınlığına gəlir. Böyük bir məclis düzəlir. Gətir-götür başlayır...
Səhəri gün bir nəfər Bisavad Teymurun qabağını kəsib üzrxahlıq eləyir:
-Teymur əmi, axşam elə vacib işim oldu ki, sizə gələ bilmədim.Yəqin ki, məndən narazı qaldın, eləmi?
Bisavad Teymur gülümsəyə-gülümsəyə cavab verir:
-Nə danışırsan, a bala, dədəmin goru haqqı, bircə səndən razı qaldım!..