("Böyüklər üçün uşaq şeirləri" silsiləsindən)

Nəvəm Turqut

Sual dağarcığıdır,-

Gəlib tez-tez

Qarşımda durur:

-Daş nədən yaranıb?

-Quş nədən yaranıb?

-Qış nədən yaranıb?..

Məni yorduqca-yorur...

Sualların selindən

Başım itir az qala...

-Düyünün məskəni haradır?

-Şəki.

-Bəs findığın?

- Oğyz, Qax, Zaqatala...

-Canavarın məskəni

Bəs haradır, ay baba?

Hövsələdən çıxıram:

-Daha bəsdir,

Məni yordun, ay bala!

Bakıdır ey, Bakı!..

O, birdən durub tərs-tərs

Mənim üzümə baxır:

-Niyə yalan deyirsən,

Ay baba,

Bakı şəhərdur axı!..

07.12.2024