Xanım İsmayılqızı - Yaralanırıq...

Ədəbiyyat 07:45 / 30.03.2026 Baxış sayı: 677

Yaralanırıq...

Ürəyin döyünməzi,

arzuların dil açmazı,

nifrətlərin qapanmazı,

adamların gözəgörünməzi,

izlərin silinməzi ilə...

Yaralanırıq...

Yolsuzların əlləri,

yuxunun qucağında nəfəs qalayan

sahibsizlərin ocaqları,

ahları ömürlərə biçən dünyanın

açılmayan səhərləri,

yetim qalan torpaqların

üzündən axıb gedən

didərginləri ilə...

Yaralanırıq...

Azadlığın kandarında ləngər vuran,

səsin ipindən asılaraq,

ruhunu bayrağa çevirən,

özünü devirənləri ilə...

Sıralanırıq...

X.İ. 2014.