Ələsgər ƏLİOĞLU - Ö Y R Ə D İ R

Isti baxışlarda qış gizləyən var.

Papaq meşəsində baş gizləyən var...

Bilmirmi cibində daş gizləyən var,

Dünya mənə hələ cik-cik öyrədir.

Dəryazını çəkir sinəmə lay-lay,

Heç vecinə gəlmir nə hay. nə haray...

Çoxuna yapdirir bağ evi, saray,

Mənə tikmək üçün evcik öyrədir.

Itirir deyəsən daha arşını,

Ölçüsüz-biçisiz qatır başını.

Seçmir nə ustanı, nə də naşını,

Sinəsinə döyüb dik-dik öyrədir.

Hərdən yandırır da, hərdn yaxır da,

Dərdimə-qəmimə gendən baxır da...

Özünün günüə salır axırda,

Beləcə məni də zircik öyrdir.

22.02.2026