Ehtiram Ilham - Qurtardı

Ədəbiyyat 12:37 / 10.12.2025 Baxış sayı: 532

 

*****

Tanrıdan gəlir nə varsa,

Çoxdu, ya azdı, qurtardı.

Ya qərib bir bayatıdı,

Ya xoş avazdı, qurtardı.

 

Harda olsan səni ansa,

Cızdağına kimi yansan.

Bircə dəfə quşun qonsa

Yolundan azdın, qurtardı.

 

Sözü asmaq istədinsə

Qəbir qazmaq istədin sən.

Şeir yazmaq istədinsə...

Yazanlar yazdı, qurtardı.

 

Ehtiram bəxti söyürdü,

Baxıb, gözünü döyürdü.

... Olanı ya bir şeirdi,

Ya qara sazdı, qurtardı.

3.12.25.