Kəramət : - Çılğın yaz havası..
::xxx
Çılğın yaz havası..unutmaq olmaz
xatirə xəzəllər qucaq dolusu
"Heyf" də demərəm, gedənlər gəlməz
Yarı-yarımçıqdı ömür tablosu
əlçatmaz, ünyetməz sevdalar gözəl
ömrə zaval yoxdu, qorxma qəzadan
əlim unudulan əlləri gəzər
yaşanan illəri yaşar təzədən
nə gəlib... bəlalı başına gəlib
bəzən günəşi də qürub qurtarır
sonuncu sərnişin yuxuya dalıb
depoya yollanır ömür qatarı