Hamı" getdi "deyib haray qoparır

Gedənlər hayana gedib ki, gəlmir?

Ya bəlkə gedənin bəxti gətirib

ALLAH imdadına yetib ki, gəlmir ...

Baxırsan qismətin ötür yanindan

Allah, bu nə sınaq, bu nə imtahan ?!

Yəqin bir az çaşıb o tale yazan :

Bir az sürüşdürmə edib ki, gəlmir...

Gərək bu viranda saralıb-solam

Yıxılıb minarəm, uçulub qalam.

Bir az ərköyünəm, bir az cığalam

Yəqin qulağına çatıb ki , gəlmir...

Həsrəti yer qoymur din-imanımda,

Eləcə qövr edir qorxusu qanda .

Çürüyür ürəyim bu daş zindanda

Əlləri qanıma batıb ki, gəlmir.

Xatirə , bir ömür oldu bəkçisən

Gözlərin cuvardı, sən çiçəkçisən

Gəlməz bir ömür də qəhrini çəksən

Gedənin gedibdi ...gedib ki... gəlmir ...