(miniatür)

Ona dedilər:

-Əgər işlərinin " xod" getməyini istəyirsənsə müdirinə " görüm- baxım "elə ....

O müdirinə görüm - baxım elədi.Müdir stolunun siyirtməsinə qoyulan bağlamanı gördü..baxdı...

Sonra yenə baxdı..gördü...

Yuxarı orqanlar gizli kameraya baxdılar...gördülər...Müdirə verilən " görüm- baxım " bağlamasını ondan tələb etdilər..Və bağlamanı gördülər...baxdılar.....

Müdiri əli qandanllı apardılar...İşçiləri gördülər..baxdılar....

Müdir indi dəmir barmaqlıqlar arxasından baxır.. görmür....

... Həmin " görüm- baxım " eləyən adam da müdirini apardıqları zaman onu gördü...baxdı...

"Görüm- baxım" eləyəni də "görüm - baxım " elədiyinə görə tutdular.. apardılar...hamı gördü..baxdı....

İndi "görüm - baxım" eləyən də,müdir də həbsxanada dəmir barmaqlıqlar arxasından baxırlar....amma heç kimi görmürlər...