Mənim yaşımda heç kim məhhəbbətdən ölməyib hələ... 

Mənim yaşımda

Heç kim məhəbbətdən

ölmayib hələ,

Mən də ölmərəm.

Ölmərəm , ancaq

Görünür yaşamaq çətin olacaq.

Mənim yaşımda birisi yumar gözünü,

Yıxılar həsrətin daş hasarından

Başqa birisinin qolları üstə.

Mənim yaşımda

Zənciri qırılmış dəli bir fəryad,

Sərsəri başına bir cüt diz tapar.

Başqa birisi də bıçaq yerinə

Ruhunu soymağa bir cüt göz tapar.

Nə isə,

Mənim yaşımda , yaşayır bu dövrü

hərə bir təhər.

Nə isə, nə isə.......

Mənim yaşımda

Heç kim məhəbbətdən

ölməyib hələ,

Mən də ölmərəm...