("Böyüklər üçün uşaq şeirləri" silsiləsindən)

Bu yerlərin öz quzğunu var,

Harda leş görərsə tezcə cumar...

Yığar böyür-başına,

Ala qarğaları, qara qarğaları...

Çəkər leşə sarı...

Deyər bir nəsildən, bir kökdənik ,

Gəlin yaxın.

Mən leşə cumuram,

Siz fırfıra kimi

fırlana-fıtlana ətrafa baxın...

Qoymayın çox çıxsın səs-küyü,

Qorxmayın,

Axırda bu leşdən

Sizə də çatacaq sür-sümüyü...

Bu yerin altı da, üstü də leşdir,

İtiləyin caynağınızı.

Mən doyandan sonra

Siz də qalarsınız razı-

Qalmazsınız tamarzı...

Yuva da alarsınız

İstambulda,

Dybayda...

Lazım gəlsə

Lap bank hesabı da açdırarsınız

Marsda , Ayda!..

27.12.2024