Əli Hacı Ağaevli- Mən,sənin bu dünyada

Ədəbiyyat 13:00 / 29.03.2026 Baxış sayı: 533

·

Mən,sənin bu dünyada

Yaşamına bir hörgü !

Hər gün,yanında olan,

Dilsiz,ağızsız sevgi !

 

Necə açıb söyləyim...

Şəkər bildim acını !

Sənə çoxu düşməsin,

Yarı böldüm acını !

 

Yığdım quzeydən qarı,

Gündöyən ac qalmasın !

Səni sirrim tək açdım,

Sözdeyən ac qalmasın !

 

Açdım yaxamı hər gün,

Çəkdiyin o,ahlara !

Dağ sinəmdən yol açdım,

Sən,çıxan sabahlara !

 

Özü,öz yerin bilən

Sevgim-dilsiz,ağızsız !

Oluma sözdən yaxın,

Bu qələmsiz,kağızsız !

 

Mən,sənin bu dünyada

Yaşamına bir hörgü !

Hər gün,yanında olan,

Dilsiz,ağızsız sevgi !