Ağaevli Əli Hacı : - Suda saçın yolan pəri,

Ədəbiyyat 10:02 / 26.03.2025 Baxış sayı: 1118

Suda saçın yolan pəri,

suyun qurusun,qurusun !

Yolda azıb qalan biri,

suyun durulsun,durulsun !

 

Oxunmadı alın yazın,

baş-bu yazın,əl-payızın !

Özgəsiylə qaçan qızın,

üzü qaralsın,qaralsın !

 

Öz ağzında bişir sözü,

söz ağızdan düşər özü !

Tərəzidi bəşər gözü,

sözün yarısın,yarısın !

 

Yol yeridi bu dərd mənlə,

biri sənlə,dördü mənlə !

Dost yerimir dərd əmənlə,

yeyən yorulsun,yorulsun !

 

Gəl,bəxtimin qara günü,

qarasından dara günü !

Qov,bu üzdən gora günü,

Göy gurlasın,yer yarılsın !