Prospektimizin adı-qış,

Küçəmizin adı-payız !

Tinindəki on üç saylı,

Kirayə çadır-evimiz !

Qapıdan çölə həvəs yox,

Pəncərədən içəri gün !

Bəxt əlil arabasında,

Vaxtımızda ki,didərgin !

Gecəyə Ay doğması,

Sönən işıq təsəllimiz !

Ömrümüz közün içində,

Ölçülü olur kefimiz !

Çörəkli ayaqımıza,

Qazanmağa əl kəsili !

Ölmək-arzuya çevrilib,

Allahla bəndə küsülü !

Ata,oğul,ev-eşik də

Sözün ağrısı altdadır !

Buna da şükür edirik,

Ümüd etmək baş aldadır !

İlahi ! Sənə deyirəm,

Sənə bəllidir yerimiz !

Səndən o,yana keçməsin,

Bu küçə,bu ev sirrimiz !