* * *

Sən bütün körpüləri

Yandırmısan, sevgilim.

Geriyə yol yoxdur daha,

Geriyə yol yoxdur, gülüm,

Ümid də yox sabaha...

Məhəbbət körpüləri,

Səadət körpüləri,

Sədaqət körpüləri

Od tutub yanır...

Ömrün axar suları,

Axdı apardı səni.

Qara telə bəyaz gül,

Taxdı apardı səni.

Axıb getdin, axıb getdin,

Sevda körpülərini

Yandırıb yaxıb getdin.

Son bir dəfə ulduzlara,

Baxıb getdin, baxıb getdin...

Sevgimizin üstünə

Qaranlıq çökdü.

Hicran rüzgarı əsdi,

Ulduzlar çiçək tökdü...

Sənlə mənim aramda,

Bütün körpülər yanıb.

Aramızda bir qara,

Dibsiz uçurum dayanıb...