Zaman daha bizi demir

Qeyb olanlar geri gəlmir.

Dünya məni yaman sıxır,

Gümanlarım boşa çıxır.

Yarımadım mən heç səndən,

Vüsalından, nə sevgindən,

Əldən gedib hər nəyim var ,

Yerin doldurmur xəyallar.

İllər də tökülüb gedib,

Dörd yanım çəkilib, gedib.

Özüm də küsüb özümdən,

Dözüm çəkirəm ,dözümdən.

Qalanlara vida -deyək-

Dur gedək , ömür, dir gedək!

Analı dünyamı gəzək,

Laylası ömrümə bəzək.

İsti bir qucaq axtaraq,

Bir künc , bir bucaq axtaraq.

Səs-soraqsız itənləri ,

Məzar -məzat bitənləri,

Bir-bir soraqlayıb tapaq,

Əzəl yuvamda quş kmi,

Ocağımda bir daş kimi,

Düşüb qalım,

Bu qürbətdən qisas alım.

Vaxt axırımıza çıxır.

Getməliyik əvvəl-axır,

Gəl bu qürbəti tərk edək,

Dur gedək, ömür, dur gedək!